Շահույթ չհետապնդող Wikimedia Foundation ընկերությունը, որը ղեկավարում է խոշորագույն համաշխարհային Wikipedia օնլայն հանրագիտարանը, հայտարարել է պատմության մեջ ամենախոշոր դրամական աջակցությունը՝ 3 600 000 դոլար ստանալու մասին:   
Գրանտի միջոցները տրամադրել է Stanton Foundation հիմնադրամը: Ըստ Wikimedia-ի ներկայացուցիչների՝ ստացված միջոցները կուղղվեն Wikipedia-ի և այլ նմանատիպ նախագծերի տեխնոլոգիական ենթակառուցվածքների բարելավմանը, որպեսզի հաջողությամբ ապահովվի այդ նախագծերի տեխնիկական սպասարկումը:

Այսօրվա դրությամբ Wikimedia-ի բոլոր նախագծերի ամսական հաճախելիությունն ավելի քան 422 միլիոն է, իսկ Wikipedia-ն հանդիսանում է աշխարհում 5-րդ ամենահաճախելի կայքը:

Ստացված գումարի մի մասն էլ նախատեսվում է օգտագործել Wikipedia-ի հոդվածների փոփոխումը հեշտացնող նոր բարելավված ինտերֆեյսի ստեղծման համար: