Ռուսական Одноклассники սոցիալական ցանցը կկիրառի լուսանկարների վրա պատկերված դեմքերի մեխանիկական ճանաչման գործառույթը, հայտնել է Mail.Ru Group-ը, որին պատկանում է Одноклассники-ն: Այս մասին հայտնում է gazeta.ru-ն:

Նոր գործառույթի մշակմամբ կզբաղվի իսրայելական Face.com ընկերությունը, որն ավելի վաղ հայտնել էր Facebook-ի հետ համագործակցելու մասին:

Այդպիսի գործառույթ Facebook-ը ներդրել էր մայիսին: Ծրագիրը բացահայտում է սոցիալական կայք ներբեռնված լուսանկարում պատկերված մարդկանց դեմքերըն և թույլ է տալիս դրանց վրա կատարել նշումներ: Այժմ օգտատերերը միայն մեկ անգամ կարող են նշել ընկերոջը լուսանկարում, որից հետո այլ լուսանկարներում նա մեխանիկորեն կնշվի: Այս նշանները օգտագործվում են առանց օգտատիրոջ թույտվության, և նշված նկարները հասանելի են դառնում բոլորին, նույնիսկ եթե դրանք տեղադրվել են փակ ֆորմատով:

Ինչպես գրում է Tert.am-ը ավելի ուշ ԱՄՆ իշխանությունը հայտնել է իր մտավախությունը, որ այդ գործառույթը կարող է խախտել անձի անձնական կյանքի անձեռնմխելիության իրավունքը:

Ինչպես տեղեկացրել է Mail.Ru Group-ը, այս գործառույթը չի աշխատի օգտատերերի պաշտպանված ալբոմներում, բացի այդ, յուրաքանչյուր օգտատեր կկարողանա արգելել դրա կիրառումը` իր տվյալները պաշտպանելու համար:

Одноклассники-ն իր մեծությամբ Ռուսաստանում երկրորդ սոցիալական ցանցն է Вконтакте-ից հետո, այստեղ գրանցված է մոտ 25 մլն մարդ: